Comments on: Translation: Parveen Shakir http://pakistaniat.com/2006/10/29/translation-parveen-shakir/ Pakistan. Pakistani. Pakistaniat. Wed, 30 Dec 2009 16:27:59 +0000 hourly 1 https://wordpress.org/?v=6.3.7 By: Dr Aftab http://pakistaniat.com/2006/10/29/translation-parveen-shakir/comment-page-6/#comment-195458 Wed, 30 Dec 2009 16:27:59 +0000 http://pakistaniat.com/2006/10/29/translation-parveen-shakir/#comment-195458 kamaal-e-zabt ko Khud bhii to aazamaa_uuNgii
main apane haath se us kii dulhan sajaa_uuNgii

supurd kar ke use chaaNdanii ke haathon
main apane ghar ke aNdheron ko lauT aa_uuNgii

badan ke karb ko vo bhii samajh na paayegaa
main dil men rouuNgii aaNkhon men muskuraa_uuNgii

vo kyaa gayaa ke rafaaqat ke saare lutf gaye
main kis se ruuTh sakuuNgii kise manaa_uuNgii

vo ik rishtaa-e-benaam bhii nahiin lekin
main ab bhii us ke ishaaron pe sar jhukaa_uuNgii

bichhaa diyaa thaa gulaabon ke saath apanaa vajuud
vo so ke uThe to Khvaabon kii raakh uThaa_uuNgii

ab us kaa fan to kisii aur se manasuub huaa
main kis kii nazm akele men gun_gunaa_uuNgii

]]> By: Dr Aftab http://pakistaniat.com/2006/10/29/translation-parveen-shakir/comment-page-6/#comment-195457 Wed, 30 Dec 2009 16:25:43 +0000 http://pakistaniat.com/2006/10/29/translation-parveen-shakir/#comment-195457 vo to Khushbuu hai havaaon men bikhar jaayegaa
masalaa phuul ka hai phuul kidhar jaayegaa

ham to samajhe the ke ek zaKhm hai bhar jaayegaa
kyaa Khabar thii ke rag-e-jaaN men utar jaayegaa

vo havaaon kii tarah Khaanaa_bajaaN phirataa hai
ek jhonkaa hai jo aayegaa guzar jaayegaa

vo jab aayegaa to phir us kii rafaaqat ke liye
mausam-e-gul mere aaNgan men Thahar jaayegaa

aaKhirash vo bhii kahiin ret pe baiThii hogii
teraa ye pyaar bhii dariyaa hai utar jaayegaa

Parveen Shakir

]]> By: Dr Aftab http://pakistaniat.com/2006/10/29/translation-parveen-shakir/comment-page-5/#comment-195456 Wed, 30 Dec 2009 16:21:46 +0000 http://pakistaniat.com/2006/10/29/translation-parveen-shakir/#comment-195456 Ay moaj-e-Hawa
Tu hi batta !!
Wo dost Hamara kesa he?
Jo bhool chuka hai hamain kab sey !
Wo jo jan se pyara kesa hai?

Kya us ky Jeevan
Lamhon mein…
Koi Lamha mera baaqi Hai?

Kya us ki jaagti ankho mein,,,
meri Yaad abhi bhi baqi hai?

Agr aisa nahi to!!!
Tu hi Batta,,,
Hum yad ussey kyun kartey hain?

Wo Hum se bichar k khush he agar!
Tu pal pal kyun hm marttay hain?

Ay “moj-ehwa” tu hi bata,,

]]>